Партискиот штаб на Беса во селото Слатино, Тетовско, утринава бил цел на вандалски напад. Искршени се изложните стакли на објектот каде е сместен штабот, а од Беса за овој инцидент ги обвинија партиите на власт.
– Очигледно е дека партиите на власт, соочени со поразот што ги очекува на 11 декември, прават сè за да ја спречат победата на Беса на овие избори. Но, бадијала им е сè, ние нема да одговориме на ваквите провокации, големиот пораз ги очекува на престојните избори – изјави кандидатот за пратеник на партијата во шестата изборна единица, Амир Елези.
Елези додаде дека нивните членови секојдневно се соочувале со притисоци и со закани од партиите на власт.
