Министерот за здравство д-р Арбен Таравари во изминатите неколку дена именуваше нови в.д. медицински директори во неколку јавни здравствени установи. Како што информираат во Министерството за здравство, на Универзитетска клиника за дигестивна хирургија за директор е именуван проф. д-р Огнен Костовски, на Клиниката за пулмологија и алергологија за директор е именуван прим. д-р Оливер Зафировски, а со Клиниката за детски болести ќе раководи д-р Реџеп Мемеди.
Промена на директори има и во Градската општа болница „8 Септември“, каде за прв човек е именуван проф. д-р Синиша Стојаноски, кој доаѓа на местото на д-р Христијан Костов, кој пак, на позицијата беше назначен во 2017 година.
