Домовите на двајца битолчани вчера биле цел на крадци, кои однеле пари и златен накит, информираат од МВР.
Во едниот случај, непознат сторител, преку незаклучена врата од гаража, влегол во куќата на Ј.В. (41), на улицата Коста Абрашевиќ, и украл 20.000 денари и разновиден златен накит, вреден 900.000 денари.
Истиот ден, крадец провалил во стан на улицата Баталјон Стив Наумов, сопственост на П.С. (37), и однел поголемо количество златен накит и два рачни часовници. Вкупната материјална штета била проценета на околу 250.000 денари.
И во двата случаи, полицијата нема осомничени и презема мерки за нивно откривање.
