Тројца кинески рудари пронајдени мртви во рудникот Булќиза во Албанија


       
Тирана, 10 февруари, 2017 - 10:25 (META) 

Три лица, рудари од Кина, се пронајдени мртви во рудникот за хром во албанскиот град Булќиза, јавува дописничка на „Мета“ од Тирана.

Со овој рудник стопанисува Самир Мане, еден од најбогатите бизнисмени во Албанија. Но, за рудникот постојано има обвинувања дека рударите работат во небезбедни услови. Тие досега протестираа двапати, поради смрт на нивни колеги.

Според пишувањата на албанските медиуми, повеќе од 30 рудари загинаа во овој рудник во последните пет години.