!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Компаниите бараат функционалност на Коридорот 10 зашто нема алтернатива


Скопје, 16 март, 2017 - 14:59 (META) 

Воспоставувањето целосна инфраструктурна функционалност на Коридорот 10 и обезбедувањето непречен пристап на стоките од и до пристаништето во Солун треба да биде приоритет, бидејќи во моментов нема алтернатива.

Ова е еден од заклучоците на тркалезната маса на тема „Сигурност во снабдувањето со стоки и со нафтени деривати – Можности и алтернативи“, која се одржа во Стопанска комора на Македонија.

– Инфраструктурата, царинските премини и терминали на коридорот Исток – Запад не се доволни и не се соодветни за редовно снабдување со стоки, а особено за нафтени деривати во подолг период. Инцидентно, може да помогне во одредени ситуации, кога има нарушување на снабдувањето преку Коридорот 10. Краткорочно гледано, во случај на нарушување на снабдувањето со деривати и со други стоки, неопходна е диверзификација на превозните средства (користење на железница и автоцистерни или камиони) и користење на повеќе влезни и излезни царински премини во државата – се предлог-заклучоците на тркалезната маса, информираат од Стопанска комора.

Еден од предлозите бил и промена на легислативата за зголемување на капацитетот на резервоарскиот простор кај трговските компании, како услов за добивање лиценци за трговија.

– Со заокружување на процесот на приватизација на пристаништето во Солун, односно негово давање под концесија, како и со либерализација на пристапот кон грчката железничка инфраструктура и влез на приватни оператори, ќе се овозможи либерализирање на односите по повеќе основи (избегнување на можни штрајкови, подобрување на брзината на испораките, намалени трошоци) – велат од Стопанска комора.

Преку пристаништето во Солун поминале 3.322.000 тони стока во 2016 година и 4.056.840 тони во 2015 година, од кои, во увоз и во извоз, количеството на стока за Македонија за 2016 година е 885.000 тони.


САД: Се преврте воз-цистернa, евакуиран цел град


Фајет, 17 февруари, 2015 - 17:29 (META) 

Товарен воз кој превезувал повеќе од 100 цистерни сурова нафта, излета од шините при снежното невреме во американската држава Западна Вирџинија. Барем една цистерна излетала в река, а 14 се запалиле, што предизвикало голем пожар и истекување на нафта, соопштија претставниците.

Гувернерот на американската држава Западна Вирџинија, Ерл Реј Томблин, прогласи вонредната состојба во окрузите Канавха и Фајет за да им се овозможи на службите да стигнат до погодените области.

Евакуиран е градот Пауел Таун, по несреќата, и затворени се два погона за преработка на вода, на кои им се заканува загадување од истечената нафта во реката Канаваха.

Канцеларијата на гувернерот Томблин соопшти дека возот превезува нафта од Северна Дакота за Јорктаун во државата Вирџинија. Возот има 109 вагони, од кои само на два вагони немало цистерни.

https://www.youtube.com/watch?v=OVMvXZXYhk0