!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Кривична пријава за бившиот градоначалник на Василево, Ванчо Стојанов


Струмица, 14 ноември, 2017 - 16:56 (META) 

Ванчо Стојанов (50), претходниот градоначалник на општина Василево, како и Л.Н. (44), в.д. директор на Јавното претпријатие „Турија“, добија кривични пријави за злоупотреба на службена положба и овластување и за помагање во такво кривично дело.

СВР Струмица ги товари за злоупотреба на машина на јавното претпријатие за насипување песок за улица во селото Едрениково, која не била во урбанистичкиот план.

Според пријавата, тогашниот градоначалник В.С. на 29 септември годинава побарал од в.д. директорот на јавното претпријатие следниот ден со машина на претпријатието да се насипе песок и да се направи улица, која според полицијата, била за трето лице и ја немало во урбанистичкиот план.

Л.Н., пак, без да изготви работен налог, испратил багерист да ја изврши задачата и потоа не изготвил фактура за работата, со што го оштетил јавното претпријатие, вели СВР Струмица.


По вербалната расправија го удирл со чекан по глава


Тетово, 15 август, 2015 - 13:57 (META) 

Тетовец со чекан нападнал багерист кој работел во близина на неговиот дом, по што багеристот извадил пиштол и пукал во воздухот.

„Во село Селце, тетовско, настанала вербална расправија помеѓу Ј.К.(38) и Р.А.(36) кој со багер извршувал градежни работи, а бил ангажиран од страна на Б.И.(40). Во еден момент Ј.К. фрлил чекан кон Р.А. кој бил на багерот и му нанел повреди во пределот на телото по што дошол и Б.И. за да ги раздели. Р.А. извадил пиштол и испукал еден истрел во непознат правец. По кратко време пристигнале и браќата на Ј.К. и го напуштле напуштиле местото на настанот. Повредениот Р.А. е пренесен во Клиничката Болница во Тетово каде му е укажана лекарска помош“, информираат од МВР.