Çavkov: Deputetët nesër do të kenë qasje të papenguar në Kuvend


Shkup, 20 Mars, 2017 - 17:18 (META) 

Deputetët nesër do të kenë qasje të papenguar në Kuvend, deklaroi për “Dojçe Vele”, drejtori i Byrosë së sigurisë publike (BSP), Mitko Çavkov.

Nesër më ora 12 në Kuvend pritet të mbahet koordinimi i partive parlamentare politike për formimin e Komisionit për zgjedhje dhe emërim, si bazë për vazhdimin e seancës konstituive për emërimin e kryetarit të Kuvendit.

Nesër në mesditë në vend do të arrijë euro- komisari për zgjerim dhe politikë fqinjësore, Johanes Han dhe treshja evropiane Ivo Uajgl, Eduark Kukan dhe Knut Flekenshtejn.

Ai në pyetjen nëse policia garanton se deputetët nuk do të pamundësohen të futen apo të dalin nga Kuvendi, duke pasur parasysh se pjesëmarrësit e protestave do të bllokojnë hyrjet në këtë institucion ligjvënës, Çavkov ishte i prerë: “Kuptohet se deputetët do të ketë qasje të sigurt dhe të papenguar në Kuvend”.


Me DSK-në dhe BSP-në do të udhëheqin një futbollist i mirë dhe një hije besnike


Shkup, 27 Maj, 2015 - 14:14 (META) 

Еmërimi i drejtorëve të rinj të Drejtorisë së sigurimit dhe kundër- zbulimit (DSK) Lupço Andonovski dhe Byrosë për sigurim publik (BSP), Gorançe Savovski, edhe pse dukej pak si befasi, nga aspekti i zgjidhjeve kadrovike, sepse shumë pak apo fare nuk janë të njohur në opinion, megjithatë nga komuniteti i kundër- zbulimit dhe policia jozyrtarisht thonë se emërtimi i tyre ka logjikën e vet, ku edhe qëndron shenja “partiake”.

Sipas burimeve tona, edhe Andonovski edhe Savovski vijnë nga Fakulteti i sigurisë në Shkup dhe karrierën e tij profesionale e kanë ndërtuar në MPB, njëri 15 e tjetri mbi 20 vite.

Megjithatë, ajo që është e përbashkët për të dytë është orientimi i tyre partiak, i cili gjoja ka luajtur rol të dukshëm në avancimin e tyre në karrierë dhe afërsia me një pjesë të garniturës aktuale, me MPB-në dhe pushtetit.

“Drejtorët e rinj të DSK dhe BSP vijnë nga radhët e të punësuarve në MPB, ku kanë  pasur karrierë profesionale. Në lidhje me orientimin e tyre partiak, lehtë mund të supozohet prej ku vijnë. Thjeshtë nuk kanë qenë të eksponuar politikisht, dhe kështu, ndoshta nuk janë të njohur para opinionit- thotë një prej burimeve.

Ndërsa një bashkëfolës tjetër është më eksplicit dhe nuk është shumë i befasuar në lidhje me emërimin e drejtorëve të dy funksioneve ndoshta më të rëndësishme në MPB.

“Andonovski përveç njeri i mirë, është edhe futbollist i mirë. Por, tek ai vërehet orientimi partiak dhe interesat e saj, që fuqishëm ka ditur ta mbroj edhe në diskutime miqësore. Kjo ka pasur ndikim të madh në avancimin e karrierës së tij profesionale, në veçanti pas vitit 1998- thotë bashkëbiseduesi jonë.

Lupço Andonovski është në polici prej viteve të 90-ta të shekullit të kaluar. Vjen nga Fakulteti i sigurisë në Shkup.

Punon në Drejtorinë e sigurimit dhe kundër- zbulimit, ku me kalimin e kohës ka marrë edhe poste udhëheqëse, mes të cilave edhe kryeshef i DSK për Shkupin. Në ndërkohë, e ka vazhduar edhe avancimin e tij akademik.

Ndërsa karriera e Gorançe Savovskit ngushtë lidhet me ministrin aktual të brendshëm, Mitko Çavkov, i cili erdhi në këtë funksion në vend të Gordana Jankulloskës.

Edhe ai arsimin e tij akademik e ka marrë në Fakultetin e sigurisë ndërsa në MPB është pranuar në vitin 1999.

“Ai është pranuar në MPB gjatë punësimeve partiake në vitin 1999. Edhe karriera e tij ka lëvizur paralelisht me atë të Mitko Çavkovit- thotë njëri prej bashkëbiseduesve tanë.

Savovski në një kuptim të caktuar, është pasardhësi i Çavkov në sektorët e MPB, prej ku njëri është larguar e tjetri ka ardhur në vend të tij.

“Kur Çavkov u largua nga posti i kryeshefit të krimit të organizua dhe u bë kryeshef i forcave qendrore policore (FQP), Savovski erdhi në vendin e tij në krimin e organizuar. Më pas Çavkov u largua dhe morri kryesimin e BSP, Savovski ishte kryeshef i FQP dhe kështu deri në ndryshimin e fundit- thonë burimet tona.

Këtë konfirmon edhe biografia e shkurtë e Savovskit në faqen e internetit të MPB, ku edhe më tej qëndron si kryeshef i FQP ndërsa grafikoni për drejtor të DSP në faqen e njëjtë edhe më tej është e zbrazët.

Gjithashtu, administratori i faqes ende nuk e ka përditësuar grafikonin e drejtorit të DSK-së, ku në postin e drejtorit të policisë sekrete edhe më tej qëndrojnë fotografia dhe biografia e shkurt e Sasho Mijalkov.


Lupço Andonovski dhe Goranço Saveski, drejtorë të rinj të DSK dhe BSP


Shkup, 26 Maj, 2015 - 18:06 (META) 

Lupço Andonovski është pasardhësi i ri i drejtorit të deritanishëm të DSK-së, Sasho Mijalkov ndërsa Goranço Savevski është drejtori i ri i Byrosë për siguri publike në MPB, në vendin e Mitko Çavkov, i cili mori postin e ministrit të brendshëm, njofton “Telma”.

Ky është vendimi në seancën e sotme të Qeverisë së RM-së. Emërimi i drejtorëve të rinj vjen pas dorëheqjeve të Sasho Mijalkov dhe Gordana Jankulloska.


Qeveria të martën e ardhshme do të emëroj drejtorët e rinj të DSK dhe BSP


Shkup, 22 Maj, 2015 - 14:19 (META) 

Drejtorët e rinj të Drejtorisë së sigurisë dhe kundër- zbulimit (DSK) dhe Byrosë së sigurisë publike (BSP) do të zbulohen të martën, për kur edhe është caktuar seancë e rregullt e Qeverisë, konfirmoi për “Meta”, zëdhënësi i Qeverisë, Aleksandar Gjorgjiev.

Në këtë seancë duhet të emërohen pasardhësit e Sasho Mijalkov dhe Mitko Çavkov në dy postet e larta në MPB.

“Në seancën që pritet të mbahet të martën e ardhshme, në rend dite do të jenë edhe këto dy çështje, emërimi i Drejtorit të ri të Drejtorisë së Sigurisë dhe Kundërzbulimit si dhe atij të Byrosë për Siguri Publike”, tha Aleksandar Gjeorgjiev, zëdhënësi i Qeverisë së RM-së.

Këto dy poste të larta në MPB ngelën të zbrazëta pasi dorëheqje Sasho Mijalkov ndërsa Mitko Çavkov u bë ministër i punëve të brendshme, në vendin e Gordana Jankulloskës.


Sot seanca e parë e Qeverisë pas dorëheqjeve të Jankulloskës, Janakieskit dhe Mijalkovit


Shkup, 21 Maj, 2015 - 15:11 (META) 

Sot do të mbahet seancë qeveritare, e para pas dhjetë ditëve (12 maj, e martë) kur edhe u verifikuan dorëheqjet e ministres së brendshme, Gordana Jankulloska, për transportit dhe lidhje, Mile Janakieski dhe drejtorit të DSK-së, Sasho Mijalkov.

Informacionin për “Meta” e konfirmoi zëdhënësi i Qeverisë, Aleksandar Gjorgjiev.

Sipas informacioneve tona, në seancën e sotme ka mundësi të emërohen edhe drejtorët e ri të Drejtorisë për kundër- zbulim dhe Byrosë për siguri publike, të cilët pas dorëheqjes së Mijalkov dhe emërtimit të drejtorit të deritanishëm të BSP, Mitko Çavkov, për ministër të brendshëm, kanë ngelur të zbrazëta.

Megjithatë, a do të ndodh kjo nuk dihet ende sepse nuk ka afat të caktuar ligjor se deri kur duhet të plotësohen këto poste të larta në MPB.

Seancat qeveritare rëndom mbahen çdo të marte, por këtë javë është zhvendosur për shkak të takimit të kryeministrit Nikolla Gruevski, me liderin opozitar, Zoran Zaev në Strasburg.