Најмалку 12 лица загинаа во Мексико откако автобус со странски туристи се превртел автопат, јавуваат локалните медиуми.
Меѓу повредените, најмалку седум се државјани на САД, а двајца на Шведска, соопштија властите на сојузната мексиканска држава Кинтана Ро.
Мексиканските власти се уште го немаат утврдено потеклото на загинатите во несреќата.
Сообраќајната несреќа се случила на патот кон локалитетот Чакчобен, околу 175 километри јужно од градот Тулум.
Во тек е истрага за причината на несреќата.
