Првото издание на фестивалот Street Food Week неделава се одржува во центарот на Скопје во организација на Бистро Комедија, информираат од Јуроп Хаус. На просторот пред Театар Комедија, во периодот од 13 до 17 јуни се претставуваат 10 штандови со храна во периодот по 19 часот.
Фестивалскиот настан е придружен со музика од пет диџеи за секој засебен ден, а главната цел е да се поддржат малите бизниси од страна на граѓаните. На првото издание на Street Food Week се претставуваат Mustacos, Fat Kitchen, Jojo BBQ, Scoop Gelato, Oljo’s street food, Hand Made Noodles, Pasta Linda, Three Hundred Rabbits, More Mania и Slatkogram, кои се распределени во различни денови.
Трансформацијата на неискористените јавни простори и паркиралишта во места за уличните продавачи на храна е тренд проширен во изминативе неколку години низ европските градови, којшто во Скопје досега беше недоволно развиен.
