Kisha anglikane sot e ka emëruar gruan e parë në pozitën e peshkopit dhe me këtë iu dha fund traditës shumë shekullore që shkaktoi ndarje të thellë në organizatën kishtare.
Kisha e emëroi Libi Lejn për peshkop të ri të Stokort, në veri të Anglisë. Pas debatit të gjatë dhe të stuhishëm, Sinodi i Kishës anglikane në qershor, me vota, vendosi që të lejojë gratë të bëhen peshkope.
Ligji është miratuar formalisht muajin e kaluar. Gratë shërbejnë si famullitarë në Kishën anglikane nga viti 1994.
