Премиерот Оливер Спасовски на својот Твитер профил ги извести граѓаните дека за време на викендите дозволено ќе биде шетање на милениците од 20:00 до 20:30 часот најмногу до 100 метри оддалеченост од живеалиштето, без групирање.
Како што пишува тој, оваа измена во уредбата за ограничено движење е со цел да им се излезе во пресрет на сопствениците на домашните миленици.
На денешната седница донесовме измени на уредбата за ограничено движење за да им се излезе во пресрет на домашните миленици – за време на викендите дозволено е шетање на милениците од 20:00 до 20:30 часот, најмногу до 100 метри оддалеченост од живеалиштето, без групирање.
— Oliver Spasovski (@o_spasovski) March 30, 2020
Мерките за ограничување на движењето за време на викендите, во период од 16 до 5 часот наредниот ден што ги опфаќа сите граѓани, предизвика бурни реакции кај Здруженијата за заштита на животните и сопствениците на миленици. Тие апелираа да се конкретизира мерката во однос на сопствениците на миленици кои што имаат потреби да ги извршуваат своите физиолошки потреби во природата.
