Ослободителна народна армија (ОНА) ја презеде одговорноста за бомбашкиот напад на зградата на Владата на Република Македонија што се случи на 28 октомври, стои во коминикето што е испратено до телевизијата „Алсат-М“, потпишано од извесен Куштрим.

Акцијата ја извела нивната единица „Хасан Приштина“, а цели биле зградата на Владата, на судовите, а биле предвидени напади и на полициски станици, но се откажани за да се избегнат човечки жртви.

Во дописот стои дека ОНА не е задоволна од реализацијата на Охридскиот рамковен договор и дека Албанците во Македонија се обесправени, поради што нема да дозволат овој процес на тероризирање на албанското население да продолжи.

Од надлежните институции засега нема официјални реакции и информации околу случајот.