Близу граничниот премин „Пелинце“ со соседна Србија, Министерството за внатрешни работи (МВР) вчера фатило камион „Ман“ со 44 илегални мигранти управуван од жител на Велес.
Како што објаснија од полицијата, станува збор за Д.С.(27) од Велес.
При контролата, во камионот со велешки регистерки таблички биле откриени 44 мигранти од Палестина, Ангола, Конго, Судан, Пакистан, Гана и Сенегал, меѓу кои и малолетници.
Д.С. бил приведен во полициска станица и по целосно документирање на случајот против него ќе следува соодветна пријава.
