Во изминатото деноноќие издадени се потврди за искажана намера за поднесување барање за признавање право на азил на вкупно 1.590 странски државјани, од кои 860 се од машки пол, 283 се од женски, 310 се деца што го придружуваат носителот на потврдата, а уште 137 се деца што патуваат без родител.
Според државјанството на лицата на кои им се издадени потврди, соопшти денеска МВР, најбројни се државјаните на Сирија – 818, од Авганистан – 328, Ирак – 186, додека од другите земји се во помал број.