Државно – црковна делегација предводена од претседателот на Собранието, Талат Џафери, ќе присуствува на молебен во базиликата „Сан Клементе” во Рим, каде што ќе положи венец на гробот на Св. Кирил и ќе положи цвеќе пред спомен – плочата на македонски јазик во чест на Св. Кирил во базиликата „Санта Марија Маџоре”.
Традиционално, делегацијата присуствуваше и на аудиенција кај Папата Франциск во Ватикан, и на средба и со државниот секретар на Светата столица кардиналот Пјетро Паролин. На аудиенцијата Џафери на Папата му ја честитал 10-годишнината од Понтификатот и му посакал долг живот, добро здравје и успешно извршување на светата должност.
„Нашите две земји имаат нераскинливи историски врски преку важните личности од заедничкото минато – нашата скопјанка и албанка, Мајка Тереза и Светите апостоли Кирил и Методиј“, пишува Џафери.
Џафери му подари на папата Франциск графичка икона „Богородица Несвенлива Роза“ која потекнува од 1837 година од црквата „Света Богородица“ во Ново Село – Штип.
