Mинистерот за здравство, д-р Арбен Таравари го назначи д-р Игорче Џиковски за нов в.д. директор на Универзитетска клиника за торакална и васкуларна хирургија, а д-р Лазе Јовчевски за в.д. директор на Универзитетска клиника за детска хирургија.
Покрај нив, министерот назначил нов директори и на неколку други јавни здравствени установи.
„На Клиничката болница во Битола директор е Ненси Лозанче, на Институтот за трансфузиона медицина–Скопје, Амир Елези, на општа болница Куманово, Стефан Трајановски, на општа болница Велес – Александар Бузалков, на психијатриска болница Демир Хисар, Стевче Цветановски, а на Институтот за позитронско-емисиона томографија, директорка е Невена Маневска“, информираат во Министерството за здравство.
Нов директор доби и специјализираната болница за геријатриска и палијативна медицина „13 Ноември“–Скопје, Мухсин Арифи.
„На болницата во Охрид директор е Горан Маркоски, на здравствен дом Вевчани, Рената Пешиновска, на Центарот за јавно здравје Тетово е назначен Шпенди Амети, на Центарот за јавно здравје Прилеп – Горан Кузески, а на здравствен дом Радовиш нов в.д. директор е Стојанче Петров“, се додава во соопштението на Министерството за здравство.
