Утрово, американскиот претседател Џо Бајден беше позитивен на тестот за ковид-19, потврди портпаролката на Белата куќа, Карин Жан-Пјер во соопштение објавено на веб страната на Белата куќа.
Тој е целосно вакциниран и двапати добил бустер и има многу благи симптоми. Тој почна да зема Паксловид. Во согласност со упатствата на ЦДЦ, тој ќе се изолира во Белата куќа и ќе продолжи целосно да ги извршува сите свои должности во тој период. Тој утрово е во телефонски контакт со членовите на персоналот на Белата куќа, а ќе учествува на неговите планирани состаноци во Белата куќа преку телефон и Зум од резиденцијата.
Во согласност со протоколот на Белата куќа за позитивни случаи на ковид, кој оди над и подалеку од упатствата на ЦДЦ, тој ќе продолжи да работи во изолација додека не добие негативен тест. Откако ќе добие негативен тест, ќе се врати на работа лично.
Поради транспарентност, Белата куќа ќе обезбедува секојдневно ажурирање за статусот на претседателот додека тој продолжува да ги извршува целосните должности на канцеларијата додека е во изолација.
Според стандардниот протокол за секој позитивен случај во Белата куќа, медицинската единица на Белата куќа ќе ги информира сите блиски контакти на претседателот во текот на денешниот ден, вклучувајќи ги сите членови на Конгресот и сите членови на печатот кои имале контакт со претседателот за време на вчерашното патување. Последниот претходен тест на претседателот за ковид беше вторникот, кога имаше негативен резултат од тестот, наведено е во соопштението.
