Државната комисија за спречување на корупцијата (ДКСК) соопшти дека веќе е оформен предмет за набавка на лиценциран софтвер од Генералниот секретаријат на владата по доставена анонимна пријава во која се наведува дека „генералниот секретаријат потпишал договор сo Microsoft за лиценци и сервиси во вредност од околу 26.000.000,00 евра“.
Предметот бил оформен минатиот месец, а денешното соопштение на Антикорупциска следува по јавно упатениот повик на портпаролот на ВМРО-ДПМНЕ, Наум Стоилковски.
Стоилковски денеска порача дека 10 дена ВМРО-ДПМНЕ чека ДКСК да пројават интересирање како е можно 40 милиони евра да се даваат за лиценци на фирма каде што доминира колега на премиерот.
„Очекуваме ДКСК да се произнесе и за првиот и за вториот тендер за оваа фирма, односно зошто е направен тендер на 15 милиони евра, со намалени услови пред 3 години? И веднаш потоа, по неполни 3 години, за истите услуги, 25 милиони евра, односно 10 милиони евра повеќе?“, праша Стоилковски.
Од Антикорупциска велат дека предметот е оформен и, согласно со деловникот за работа на ДКСК, е распределен за работа и постапувањето по истиот е во тек.
