Турските власти обвинија 87 припадници на Националната разузнавачка агенција поради поврзаност со свештеникот Фетулах Ѓулен, јавуваат турските медиуми.
Кривични пријави се покренати против 52 од 87 лица, кои се протерани од јавните служби.
Вкупно 141 припадник на Националната разузнавачка агенција се суспендирани по неуспешниот воен удар, извршен на 15 јули, а истрагата против стотина од нив веќе е завршена.
Анкара го обвинува Ѓулен, кој е во доброволен егзил во САД, за организирање на воениот удар во Турција.
