Во Белград програмер убил колега, ранил двајца, па се разнел со бомба


Скопје, 12 март, 2018 - 17:03 (META) 

Младиот програмер Небојша С. (30) денеска во Белград убил свој поранешен колега и ранил двајца, по што се разнел со бомба, јавија српските медиуми.

Убиецот пред неколку дена добил отказ во софтверската фирма „Стопански советник за информациски технологии“, а денеска се вратил таму, прво ја поздравил колешката и ладнокрвно се качил на катот. Потоа влегол во една канцеларија каде имало состанок, па директно во глава застрелал еден колега, продолжил да пука, при што ранил уште еден маж, а еден од вработените за да се спаси скокнал од прозорец од висина од седум метри, при што задобил тешки повреди. Кога ги слушнале истрелите, другите вработени се заклучиле во своите канцеларии.

Потоа убиецот се вратил во својот стан, кој е блиску до фирмата чие седиште е на улицата Рузвелтова, па се обидел да се самоубие со рачна бомба која ја активирал. Полицијата го пронашла и тој бил пренесен на ургентен центар за реанимација. Во експлозијата е направена штета на неговиот стан.


Вработените во МВР ќе донираат по 100 денари за своите колеги погодени од поплавите


Скопје, 11 август, 2016 - 17:53 (META) 

Вработените во Министерството за внатрешни работи ќе донираат по 100 денари од својата месечна плата како помош за своите колеги погодени од поплавите во Скопје и околината, соопшти попладнево МВР.

Според податоците, констатирани на терен од службите на МВР и на Македонскиот полициски синдикат, во поплавите оштетени бил домовите на 135 припадници на МВР.

„Со цел да им се помогне на нашите колеги Министерството и Синдикатот покренуваат повеќе акции. Во тек е акција за заддршка на платата на вработените во МВР од по 100 денари, кои ќе бидат доделени на сите вработени во МВР кои се оштетени од поплавите. Синдикатот од Солидарниот фонд, дополнително ќе додели по една просечна плата за настраданите членови на синдикатот. Министерството и Македонскиот полициски синдикат организираат и акција за дистрибуција на специјални маски за заштита од бактерии и вируси и медицински ракавици за сите ангажирани колеги кои пружаат помош на оштетените во поплавата“, стои во соопштението од МВР.

Според мартовскиот извештај на Министерството за информатичко општество и администрација, МВР има вкупно 11.325 вработени.