Македонските превозници сè уште не пријавиле штета поради блокадата на српско-хрватската граница и неколкудневниот застој, изјави денеска министерот за економија, Беким Незири.
За пишувањата во медиумите дека Хрватска е подготвена херметички да ја затвори границата со Србија, Незири истакна дека како министерство ги следат сите чекори и подготвени се да одговорат на секое сценарио.
– Хрватска е членка на Европската унија и се надевам дека ЕУ нема да дозволи херметичко затворање на граница. Како држава и како министерство, активно ги следиме сите чекори и сме подготвени за кое било сценарио што би произлегло доколку се затвори таа граница – изјави Незири.
