!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Каталонците во знак на протест повлекуваат пари од банките


       
Барселона, 20 октомври, 2017 - 12:18 (META) 

Клиентите во банките во Каталонија ги подигаат парите од финансиските институции кои ги пренеле своите седишта на други локации во Шпанија во екот на кризата по референдумот за независност.

Движењето за независност на Каталонија синоќа ги повика своите приврзаници да ги повлечат своите пари од банките и на тој начин да извршат притисок врз тие институции.

Десетици лица чекаат во редови пред филијалите на банката „Каиша“ во центарот на Барселона.

Повеќето подигнуваат по 150 или 160 евра од банкомат. Износот е симболичен, односно се поврзува со членот 155 од Уставот, според кој шпанската влада може да ја суспендира автономијата на Каталонија.

Мадрид вчера соопшти дека ќе преземе чекори за одземање на автономијата на Каталонија, затоа што каталонскиот лидер Карлес Пучдемон се закани дека ќе прогласи независност ако централната власт продолжи со „репресијата“.

Двете најголеми каталонски банки, „Каиша“ и „Сабадели“ го преселија седиштата надвор од Каталонија.