И денешниот ден ќе биде облачно, со врнежи од дожд, наместа обилни, известуваат од Управата за хидрометеоролошки работи. Во Скопје ќе биде облачно со врнежи од дожд, повремено поројни. Ќе дува умерен ветер од јужен правец. Максималната температура ќе достигне 16 степени
Врнежите времено ќе бидат поројни и проследени со грмежи, во форма на невреме со силен ветер. Максималните температури ќе се движат од 13 до 19 Целзиусови степени. За утре пак, се очекува да биде сончево со мала облачност, а кон крајот на денот во западните делови се очекува да има дожд.
Во земјава од вчера попладнето речиси непрекинато врне, а УХМР на секои два часа информираше за состојбата. Според последните информации за последните 24 часа најмногу наврнат водел талог(во l/m2) имало во Маврови Анови, Дебар, Крива Паланка, Берово, Скопје – Петровец, Куманово, Ѓуриште, Попова Шапка, Струмица, Охрид, Крушево, Скопје – Зајчев Рид, а помалку во Тетово, Демир Капија, Гевгелија, Битола, Штип, Прилеп, Претор, Велес, Виница, Тополчани и Дојран.
До средината на следната седмица ќе настапи стабилизирање на времето, информираат од УХМР.
