Русија ќе го бојкотира Самитот за нуклеарна безбедност 2016 поради неговата политичка природа, соопштија денеска неименувани дипломатски извори.

Претставниците на Москва минатата недела не присуствуваа на седницата во Вашингтон, посветена на подготовките на самитот. Американски дипломатски извори соопштуваат дека засега не е јасно дали Русија планира да присуствува на состанокот.

Двајца високи претставници на САД, повикувајќи се на дипломатска нота од Москва, соопштија дека бојкотот се однесува и на самитот во 2016 година.

Како што соопштија дипломатите, Русија смета дека состаноците за нуклеарна безбедност треба да се одржуваат на техничко ниво.

Русија досега има учествувано на слични самити, но дипломатите запознаени со ставот на Москва, велат дека таа веќе изразила резервираност уште на мартовскиот состанок во Хаг.

Дипломатите не ги прецизираа причините, но додадоа дека напнатите односи меѓу Русија и САД поради Украина, влијаеле на одлуката на Кремљ да не присуствува на состанокот.