По речиси една недела пауза, денеска во Собранието продолжува седницата на Комисијата за образование.
На седницата закажана во 15 часот на дневен ред се предлог-законот за основање универзитет за национална одбрана, безбедност и мир „Дамјан Груев“ во Скопје и предлог-законот за изменување на Законот за високото образование.
Последната седница на комисијата заврши со кавга меѓу ВМРО-ДПМНЕ и СДСМ. Расправаата за основање на новиот универзитет сè уште е во фазата „процедурално“, затоа што за овој закон СДСМ поднесе 1.000 амандмани, а ВМРО-ДПМНЕ сака да го ограничи времето за дискусија.
