Пензионерка физички нападнала вработена во јавното претпријатие „Градски паркинг“ во центарот на Скопје, информираат од Министерството за внатрешни работи (МВР).
Настанот се случил во понеделникот наутро на паркинг простор во Центар.
„На 30.10.2023 во 08.30 часот во СВР Скопје, Х.А.(38) од Скопје, вработена во Ј.П. „Градски паркинг“, пријавила дека околу 07.45 часот на паркинг простор на подрачјето на Центар, додека извршувала работни задачи, била физички нападната од С.С.(72) од Скопје“, соопштија од МВР, од каде додаваат дека по целосно документирање на случајот ќе следува соодветна пријава.
