![vakcina protiv kovid-19 Indija](https://meta.mk/wp-content/uploads/2021/01/vakcina-protiv-kovid-19-indija-696x609.jpg)
Меѓународниот сојуз на фармацевтски производители и асоцијации (ИФПМА) реагираше на поддршката на американскиот претседател Џо Бајден за укинување на заштитата на интелектуалната сопственост за вакцините против ковид-19, прогласувајќи ја за „погрешен одговор“ на комплексен проблем.
„Отфрлањето на патентите за вакцината против ковид-19 нема да го зголеми производството или да донесе практични решенија за борба против глобалната здравствена криза. Напротив, тоа ќе доведе до понатамошно нарушување“, велат од ИФПМА.
Според нив, вистинските проблеми се трговските бариери, тесните грла во синџирите на снабдување, недостигот на суровини и подготвеноста на богатите земји да започнат да ги споделуваат дозите со сиромашните земји.