Бомби експлодираа пред амбасадите на Египет и на Обединетите Арапски Емирати во либискиот главен град Триполи. Засега нема информации за жртви, ниту за предизвикани посериозни материјални штети.
Експлозиите следуваа по серијата експлозии на автомобил-бомби, кои во средата експлодираа во неколку града во Лидија што се под контрола на меѓународно признаената власт.
Египет и Обединетите Арапски Емирати летоска го повлекоа дипломатскиот персонал од Триполи поради ескалацијата на ситуацијата во северно-африканската држава.
Според очевидците со кои контактираше новинската агенција „Ројтерс“, бомбата предизвикала мали оштетувања на објектот на египетската амбасада, но не се знае дали тој бил погоден.
Засега нема информации дали амбасадите биле мета на бомбите, ниту дали некој од обезбедувањето бил во објектите за време на експлозиите.
