Извозот во 2015 година изнесувал 4.489.934.000 долари, што е за 443.911.000 долари помалку во однос на 2014 година, кога изнесувал 4.933.845.000 долари, објави Државниот завод за статистика.
Вкупната вредност на увозот во 2015 година изнесува 6.399.867.000 долари, што е за 876.862.000 долари помалку во однос на 2014 година, кога изнесувал 7.276.729.000 долари.
Трговскиот дефицит во 2015 година е 1.909.933.000 долари. Покриеноста на увозот со извоз, во периодот јануари-декември 2015 година, изнесува 70,2 проценти.
Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, фероникелот, сетовите на проводници за палење и слично, за возила, авиони или бродови, производите од железо и од челик (валани производи).
Во увозот најмногу се застапени платината и легурите на платина, необработени или во прав, нафтените масла и маслата добиени од битуменозни минерали (освен сурови), електричната енергија и другите метали од платинската група и нивните легури, необработени или во облик на прав.
