Со одлука на Регулаторната комисија за енергетика (РКЕ), бензините и дизел горивото поевтинуваат за 1,5 денари. Така, малопродажната цена на ЕУРОСУПЕР БС-95 изнесува 81,50 денари за литар, малопродажната цена на ЕУРОСУПЕР БС-98 изнесува 83,5 денари, а литар ЕУРОДИЗЕЛ чини 74 денари.
„Имајќи ги предвид влијанијата на овие елементи во формирањето на цените на нафтените деривати според Методологијата, малопродажните цени на нафтените деривати согласно Методологијата за формирање на цените, се намалуваат во просек за 1,87 отсто“, се вели во соопштението на РКЕ.
Малопродажната цена на екстра лесното масло за домаќинство на (ЕЛ-1), се намалува за 1 денар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 15.07.2024 година и со тоа, малопродажната цена на екстра лесното масло за домаќинство на (ЕЛ-1) изнесува 72,50 ден/лит.
Малопродажната цена на Мазутот М-1 НС, се намалува за 1,1 денар и изнесува 45,7 денари за килограм.
