Катарската кабелска телевизиска мрежа „Ал Џезира“ од економски причини ќе го затвори својот информативен канал во САД.
Телевизијата, која вложи милионски суми за отворањето на каналот и за ангажирање врвни американски новинари, соопшти дека „Ал Џезира – Америка“ ќе ја прекине работата на почетокот на април, а во иднина каналот ќе продолжи да се одржува само преку интернет.
Американскиот канал на телевизијата можат да го гледаат 60 милиони американски гледачи, но според статистиките од 2015 година, вестите во просек ги гледале само 19.000 Американци, што е далеку под гледаноста на информативните блокови на нејзините главни конкуренти, „Си-Ен-Ен“ и „Фокс њуз“.
