„Амнести интернешнел“ соопшти дека има собрано многу докази за убиства на цивили што во изминативе денови биле извршени и од проруските сепаратисти и од украинските сили во Источна Украина.

Оваа организација ги обвини и двете страни за кршење на меѓународното хуманитарно право со напади врз Донецк, кој е под контрола на проруските сепаратисти, и врз Дебалцеве, град што го држат украинските владини сили.

Според Обединетите нации, досега во конфликтот што почна во април лани, загинале повеќе од 5.100 луѓе.