Еврокомесарот за проширување и соседска политика, Јоханес Хан, вчерашната средба помеѓу македонскиот премиер Зоран Заев и неговиот грчки колега Алексис Ципрас на „Твитер“ ја оцени како многу добра вест.
„Средбата помеѓу Алексис Ципрас и Зоран Заев е многу добра вест. Покажува храброст, визија и државништво. Решавање на долгогодишниот спор ќе биде добро за двете земји, регионот и Европа“, напиша Хан.
This meeting of @tsipras_eu and @Zoran_Zaev is very good news. Shows courage, vision and statesmanship. Solving this long-standing issue will be good for the countries, the region and #Europe. https://t.co/fandj9nkZ5
— Johannes Hahn (@JHahnEU) January 24, 2018
Заев и Ципрас вчера на маргините на Светскиот економски форум во Давос порачаа дека крајното решение за спорот со името мора да биде прифатено од двете страни и дека силно се посветени на мерките на градење доверба.
Заев потенцираше дека Македонија нема територијални претензии кон Грција и за да го докаже тоа ќе ги смени имињата на аеродромот „Александар Велики“ и автопатот „Александар Македонски“ кој ќе се вика „Пријателство“.
