Утре во Охрид почнува со работа Меѓународната научна конференција за безбедност, во организација на Факултетот за безбедност од Скопје.
На конференцијата ќе учествуваат повеќе од стотина професори и научни работници од Италија, Руската Федерација, Унгарија, Португалија, Чешка, Украина, Шведска, Бугарија, Словенија, Хрватска, Србија, Албанија, Црна Гора, Република Српска, Босна и Херцеговина и од Република Македонија.
На Конференцијата ќе бидат презентирани предавања и презентации кои се очекува да ја опфатат безбедноста како предмет на истражување, безбедносната соработка и да отворат актуелни теми и проблеми од безбедноста и дефинирање на пристапите, концептите и политиките за безбедност во иднина.
