Времето денеска ќе биде сончево и многу топло. Висока температура од портокалова фаза ќе ја зафати територијата на целата земја.
Дневната температура ќе се движи од 17 до 40 Целзиусови степени. Во попладневните часови ќе има локално зголемување на облачноста и услови за изолирана појава на краткотраен дожд со ретки грмежи. Ќе дува слаб до умерен ветер, претежно од југоисточен правец.
Во Скопје ќе преовладува слично време. Утринската температура ќе достигне 21 Целзиусов степен, а дневната до 38 степени.
УВ-индексот ќе има висока вредност 9.
Промена на временската состојба се очекува од сабота, кога ќе има зголемување на облачноста и локален дожд со ретки грмежи.
