This page was exported from Meta.mk [ http://meta.mk ]
Export date: Sun Sep 24 17:38:46 2017 / +0000 GMT

Владина делегација на чело со Заев утре и задутре во посета на Бугарија




Утре и задутре владина делегација предводена од премиерот Зоран Заев, а во која ќе бидат и вицепремиерот задолжен за европски прашања, Бујар Османи, министерот за надворешни работи, Никола Димитров, министерот за транспорт и врски, Горан Сугарески, и министерот за култура, Роберт Алаѓозовски, ќе престојува во официјална работна посета на Република Бугарија.

Заев утре изутрина ќе се сретне со претседателот на владата на Република Бугарија, Бојко Борисов, во седиштето на владата на Република Бугарија, а попладне ќе има средба со претседателот на Бугарија, Румен Радев.

Во рамките на посетата предвидени се и одделни средби помеѓу министрите од Република Македонија со нивните колеги од Бугарија.

В среда Заев и Сугарески ќе имаат средба со министерката за енергетика на Република Бугарија, Теменушка Петкова.
Post date: 2017-06-19 20:33:11
Post date GMT: 2017-06-19 18:33:11
Post modified date: 2017-06-19 22:00:16
Post modified date GMT: 2017-06-19 20:00:16
Powered by [ Universal Post Manager ] plugin. HTML saving format developed by gVectors Team www.gVectors.com