!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Четири нови електрични локомотиви за обнова на возниот парк


Скопје, 10 јануари, 2017 - 14:22 (META) 

МЖ „Транспорт“ и кинеската компанија „ЦРРЦ Џуџоу“ потпишаа договор за набавка на четири нови електрични локомотиви за обнова на возниот парк. Инвестицијата од осум милиони евра е обезбедена од Европската банка за обнова и развој (ЕБОР).

– Набавката на четирите нови електрични локомотиви практично значи обнова на возниот парк по 40 години и доближување до европските и до светските стандарди. Ќе се обезбеди поголема безбедност и сигурност во железничкиот сообраќај, поголем број патници, поголема брзина, енергетска заштеда, заштита на животната средина, ефикасно работење и поквалитетни услуги – истакна генералниот директор на МЖ „Транспорт“, Никола Костов, по потпишувањето на договорот.

Набавката на електричните локомотиви е втор проект за обнова на возниот парк, по набавката на шест нови возови.


Аранжманите за Грција одат како алва, Македонците не ги тангира мигрантската криза


Скопје, 9 март, 2016 - 11:43 (META) 

Мигрантската криза, односно приливот на бегалци преку Грција, нема некакво значително влијание врз работата на македонските туристички агенции. Закупот на раните туристички аранжмани се одвива нормално, така што летната сезона кај нашиот јужен сосед, барем засега, не може да се доведе во прашање.

– Реперкусии од мигрантската криза врз туризмот не се чувствуваат. Закупот на аранжмани се одвива нормално, има мало зголемување на цените од пет до седум отсто, кое се случува секоја година, а Грците го припишуваат на годишната инфалција. Во Грција, традиционално се очекува наплив на туристи од соседните земји – вели Мартин Петковски од туристичката агенција „Пет“.

Приливот на мигранти позитивно се одразил на превозниците, а нивниот зголемениот ангажман за возење од јужната до северната македонска граница, придонел за обновување на нивниот возен парк.

Според Петковски, неизвесна е туристичката сезона во Турција, така што сè уште се калкулира со понудите и со цените на хотелите таму.

Русите, кои биле најбројни туристи во Турција, годинава се пренасочиле кон Шпанија, па оваа туристичка дестинација станува многу поскапа за македонските туристи, за разлика од минатите години.