!Në periudhën që vijon, punojmë në vendosjen e sistemit për qasje dhe parapagesë. Për mënyrën e qasjes dhe parapagesës, do të njoftojnë në mënyrë plotësuese. Tekstet e “Meta” deri atëherë, janë të lira për marrje, por duke e treguar citimin nga ku është marrë lajmi.

LSDM: Me Besën nuk kemi marrëveshje, ngelim të hapur për bashkëpunim


Shkup, 28 Maj, 2017 - 15:57 (META) 

LSDM me kumtesë ka njoftuar se me Lëvizjen Besa nuk kanë arritur marrëveshje rreth disa çështjeve, por se ngelen të hapur për bashkëpunim rreth reformave.

“Ju njoftojmë se në lidhje me bisedimet me partinë BESA, edhe pse u pajtuam se bashkërisht e ndajmë përcaktimin për reforma urgjente për zhvillim demokratik të Maqedonisë, për një pjesë të pyetjeve nuk arritëm marrëveshje. Kemi mbetur të hapur për bashkëpunim rreth përkrahjes së reformave që pasojnë në Maqedonisë, si dhe për gjithçka tjetë që është në interes të gjithë qytetarëve”, kanë thënë nga LSDM.

Lëvizja Besa sot ka seancë të kryesisë partiake ndërsa konferencë shtypi për vendimet e marra paralajmëruan në orën 15.

 


Ahmeti takohet me Shvajcer Blum dhe Samuel Zhbogar për formimin e Qeveris së re


Shkup, 19 Maj, 2017 - 23:34 (META) 

Në Ambasadën amerikane në Shkup, lideri i Bashkimit Demokratik për Integrim (BDI), Ali Ahmeti ka zhvilluar takim të përbashkët pune me zëvendësambasadoren e SHBA­së në vend Mikaela Shvajzar Blum dhe ambasadorin e Bashkimit Evropian në Maqedoni Samuel Zhbogar.

Ahmeti, siç thuhet në kumtesën e BDI-­së, me bashkëbiseduesit ka biseduar rreth zhvillimeve në lidhje me formimin e qeverisë së re reformuese me ç’rast ka përsëritur që BDI është e përkushtuar tërësisht për t’i zbatuar reformat e kërkuara nga komuniteti ndërkombëtar, integrimin në NATO dhe në Bashkimin Evropian, marrëdhënie të mira ndëretnike, por edhe zhvillim ekonomik dhe hapje të vendeve të reja të punës.

“Hapat e parë që do t’i ndërmerr shumica e re parlamentare janë zgjidhja e ngërçit me pushtetin lokal, si dhe shfuqizimi i testimit ekstern si dy çështje urgjente”, ka theksuar Ahmeti në takim.

Ai më tutje ka thënë se 16 vitet e fundit, sa është aktiv në suazat e BDI-së, “asnjëherë nuk ka pasur dëshpërim në qëndrimet miqësore dhe qëllimmira të komunitetit ndërkombëtarë” dhe në këtë kontekst ka kërkuar nga SHBA-ja dhe BE-ja që të ndihmojnë në integrimin sa më të shpejtë të Maqedonisë në NATO dhe BE.

Ndryshe, sot në selinë e LSDM-së, është mbajtur takimi i parë mes liderit të partisë dhe mandatarit Zoran Zaev me kreun e BDI-së, Ali Ahmeti, në suazat e bisedimeve për formimin e Qeverisë së re.

 


Zaev- Bejli: Presim Ivanov të veproj sipas Kushtetutës dhe ta jap mandatin


Shkup, 5 Maj, 2017 - 16:52 (META) 

Proceset demokratike është e domosdoshme që të vazhdojnë me formimin e qeverisë së re, që do të siguroj stabilitet në vend dhe perspektivat e Maqedonisë drejt NATO-s dhe BE-së. Këtë sot në takim e kanë konstatuar lideri i LSDM-së, Zoran Zaev dhe ambasadori i SHBA-së në vend, Xhes Bejli, kumtojnë nga LSDM.

“Shumica parlamentare veçse ka krijuar kushte për të respektuar Rregulloren e Kuvendit dhe për të njoftuar kryetarin e shtetit Gjorge Ivanov për shumicën e re parlamentare dhe se e njejta duhet të bëjë qeverinë e re të vendit. Presim që Ivanov të përmbush detyrat kushtetuese dhe të jep mandatin” ka thënë Zaev pas takimit.

Lideri i LSDM-së ka shtuar se partia është e përkushtuar për realizimin e të gjitha obligimeve ndaj qytetarëve për stabilitet ekonomik dhe për zhvillimin e vendit.

“Qeveria e re reformuese do të ofrojë reforma për të gjithë qytetarët, pa dallime në dallime politike, etnike ose çfarëdo dallime tjera. E ardhmja e vendit është në NATO dhe në BE dhe jemi të vendosur të punojmë për këto vlera që çojnë drejtë integrimeve”, ka shtuar Zaev.

Në takim Zaev dhe Bejli edhe njëherë kanë dënuar dhunën në Kuvend duke thënë se të gjitha subjektet politike duhet të jenë në nivelin e detyrës dhe të mundësojnë kalim të pushtetit dhe mbrojtjen e interesave shtetërore dhe civile.

 


Basha: Situata në Shqipëri nuk është e ngjashme me Maqedoninë, por edhe më keq


Tiranë, 13 Prill, 2017 - 0:22 (META) 

Lideri i Partisë Demokratike, Lulzim Basha dhe figura më e fuqishme opozitare, sot harroi fjalorin diplomatik dhe e quajti ligjin e rievoluimit të prokurorëve dhe gjykatësve “proces mafioz”.

Ai më tej tha se diplomatë të rangut të lartë punojnë për Edi Ramën, se i kanë “grabitur” ekspertët e BE-së që punojnë në reformat e gjyqësorit. Edhe pse nuk përmendi emra, ai në fakt iu drejtua Knut Flekenshtajnit, i cili është kundër formimit të qeverisë teknike, siç ndodhi vitin e kaluar në Maqedoni.

Basha shtoi se pajtohet me Flekenshtajnin se situata nuk është e ngjashme si në Maqedoni sepse në fakt është më e keqe. Ai përsëriti se shqiptarët nuk do të shkojnë në zgjedhje me kryeministër “i cili është komandanti kryesor i narko-armatës”.

Procesi i rievoluimit është elementi kyç i reformave gjyqësore në Shqipëri. Kjo reformë është kyçe për hapjen e bisedimeve për aderimi e Shqipërisë në BE.

 


LSDM: Institucionet të mos bëhen viktimë e skenarëve të dhunshëm të Gruevskit


Shkup, 10 Prill, 2017 - 11:22 (META) 

Nikola Gruevski nuk guxon të kërcënohet me dhunë, kjo është kundër- kushtetuese dhe vepër e dënueshme me ligj, porositin nga LSDM në njoftimin e sotëm. Nga kjo parti më tej thonë se së shpejti do të emërohet kryetari i ri i Kuvendit e më pas edhe “qeveria e re reformuese e Maqedonisë unitare, sipas Rregullores, Kushtetutës dhe ligjeve në R. e Maqedonisë”.

“Gruevski nuk është populli. Ai nuk është faktor. Qytetarët janë faktor ndërsa ata zgjodhën bashkimin, drejtësinë dhe ndryshimet dhe ato do të ndodhin. Kalim i qetë i pushtetit është interesi shtetëror i qytetarëve. Secili që do të tentoj të pengoj vullnetin e shumicës dhe të veprojë në kundërshtim me interesat shtetërore, do të ballafaqohet me përgjegjësinë e tij”, thuhet në njoftimin e LSDM-së.

Prej atje shtojnë se Gruevski ka “interes që ta destabilizoj shtetin sepse në këtë mënyrë shpreson t’i ik përgjegjësinë për krimin e bërë”.

“Ua bëjmë me dije institucioneve dhe të punësuarve në to, se ka shumicë të re parlamentare dhe se janë të obliguar t’i mundësojnë proceset demokratike në përputhje me vullnetin e shumicës së qytetarëve në zgjedhje. Nikola Gruevski dhe VMRO DPMNE janë opozitë”, thonë nga LSDM.


Han: Pasi u grumbulluan nënshkrimet, presim presidenti të dorëzojë mandatin


Bruksel, 25 Shkurt, 2017 - 18:57 (META) 

Pasi u grumbulluan nënshkrimet, me padurim presim hapat e mëtutjeshëm. Tani presim presidenti t’ia jep mandatin për formimin e qeverisë kandidatit nga partitë që kanë shumicë në Kuvend, në pajtim me Kushtetutën, thuhet në deklaratën e euro- komisarit për zgjerim dhe politikë fqinjësore, Johanes Han në faqen e KE-së pasi BDI mbrëmë vendosi nënshkrimet për formimin e Qeverisë t’ia jep LSDM-së.

Han në deklaratë thotë se ndryshimet në shoqëritë demokratike janë natyrale dhe duhet të pranohen, kur janë rezultat i zgjedhjeve kredibile.

“Ndryshimet në një shoqëri demokratike janë të natyrshme dhe duhet të jenë të mirëseardhura kur janë si rezultat i zgjedhjeve kredibile, pranimi dhe respektimi i rezultatit zgjedhor dhe e drejta e liderëve që të tentojnë të formojnë qeverinë është një shenjë e demokracisë, kërcënime dhe obstruksione në këto tentativa nuk ka vend për demokracinë si proces, për atë presim nga gjitha partitë të respektojnë principin dhe standardin që të bashkëpunojnë dhe të vlerësojnë njëri tjetrin, ky proces do nxjer vendin nga kriza, duhet të tejkalohen dallimet kur bëhet fjalë për pushtet dhe opozitë, që të dyja palët duhet të kenë rol relevant në funksionimin e një pushteti demokratik”, thuhet mes tjerave në deklaratën e lëshuar nga Han.

Ai shton më tej se obligim i përbashkët i të gjitha partive është që vendin të lëvizin drejt rrugës euro- atlantike, që është synim nacional strategjik që ofron bazë të gjerë për bashkëpunim për reformat e nevojshme. Sipas tij, këtë e kërkojnë dhe e meritojnë qytetarët.

“Për këtë, u bë thirrje të gjithë aktorëve relevant, përfshirë edhe kryetarin e Kuvendit, që të veprojnë në pajtueshmëri të plotë me Kushtetutën dhe në mënyrë përgjegjëse, të mundësohet formimi i shpejtë i Qeverisë e cila do të punoj në reforma”, shton Han.


PLD: Zvërlevski vërtetoi se është bastioni i fundit i regjimit të Gruevskit


Shkup, 21 Shkurt, 2017 - 13:18 (META) 

Kryetari i Prokurorisë Publike, Marko Zvërlevski edhe njëherë konfirmoi edhe njëherë vërtetoi se është bastioni i fundit i regjimit të Nikola Gruevskit, thonë nga Partia Liberal Demokrate, lidhur me njoftimin e djeshëm të Prokurorisë Publike se është hapur hetim kundër ish zyrtarëve të lartë të MPB-së dhe personave tjerë nga Shkupi, Kumanova dhe Strumica, për parregullsi zgjedhore.

Nga kjo parti akuzojnë se me këtë hap, Zvërlevski vërteton pamjen reale të “gjyqësorit dhe prokurorisë të kontrolluar në Maqedoni nga pushteti në largim” dhe “me vetëdije ose jo” njëkohësisht konfirmon “nevojën e ekzistimit dhe vazhdimit të mandatit të PSP-së”.


Bejli: USAID nuk punon kundër Qeverisë, zgjedhjet e reja nuk garantojnë rezultate të reja


Shkup, 18 Shkurt, 2017 - 22:47 (META) 

Ambasadori amerikan në Maqedoni, Xhes Bejli në intervistë për televizionin “Sitel” deklaroi se USAID nuk punon kundër qeverisë, se nevojitet vazhdimi i mandatit të PSP-së dhe se zgjedhjet e reja nuk do të sillnin rezultate të reja.

“Se USAID punon për shkatërrimin e Qeverisë, thjeshtë nuk është e saktë. Grantet nuk janë për mbështetjen e ndonjë ideologjie apo partie politike, apo diç të ngjashme. Bëhet fjalë për krijimin e kushteve për demokraci aktive dhe të shëndoshë”, tha Bejli.

Sipas ambasadorit amerikan, kur është nënshkruar marrëveshja për formimin e PSP-së, askush nuk ka qenë i vetëdijshëm me sa material do të ballafaqohet ky institucionet dhe se për këtë komuniteti ndërkombëtarë angazhohet për vazhdimin e mandatit.

“Të kthehemi parapa dhe të shohim se kush ishte shkaku për formimin e PSP-së, e ajo ishte të sjellë përgjegjësi për përmbajtjet të cilat dalin nga bisedat e përgjuara. Nuk jam i sigurt se kushdo qoftë atëherë ishte i vetëdijshëm për vëllimin e punës me të cilën do të ballafaqohet PSP-ja…dhe besojë se institucioni ballafaqohet me pengesa dhe bashkëpunim të vështirësuar poashtu”, deklaroi Bejli.

I pyetur që të njoftojë qëndrimin e tij për Platformën e partive shqiptare, Bejli tha se nuk ka qëndrim sepse si faktor i huaj nuk janë të interesuar për çfarëdo platforme, por se janë të fokusuar në reformat në Maqedoni dhe kthimin e shtetit në rrugën euro- atlantike.

Sipas Bejlit, nëse sërish ka zgjedhje për kohë të shkurtë, siç kërkon VMRO DPMNE, kjo nuk garanton dalje nga kriza politike sepse askush s’mund të garanton rezultatet të ndryshme nga ato të 11 dhjetorit.

“A do të formohet qeveri e re do të varet nga 61 deputetët e Kuvendit. Do të duhet patjetër ti pyesni ata. Por, analiza ime e situatës është kjo: pas gjithë procesit kishit zgjedhje me 11 dhjetor në të cilat kishte dalje të madhe dhe nga ku dolën rezultate të ngushta mes partive. Në Telma para disa ditëve u tregua një anketë që tregoi se qytetarët nuk janë të interesuar për zgjedhje të reja. Unë nuk e di si do të jetë, por vendimi varet nga Kuvendi”, tha ambasadori amerikan.


Kurz: Vendimet final duhet t’i marrin partitë ndërsa ne nuk do të përzihemi


Shkup, 13 Shkurt, 2017 - 0:14 (META) 

Politikanët maqedonas duhet t’i marrin vendime të cilat merren pas zgjedhjeve ndërsa nga ana jonë nuk do të ketë pengesë në rrjedhën e mëtutjeshëm të ngjarjeve, deklaroi shefi i diplomacisë austriake dhe kryesues me OSBE-në, Sebastian Kurz, i cili sot ishte për vizitë në vend.

Ai shtoi se interesi i Austrisë është që në Maqedoni edhe më tej të ketë partner të fortë dhe shpresoj se vendi do t’i zbatoj reformat e nevojshme dhe do të vazhdoj rrugën e euro- integrimeve.

Homologu i tij, zv- kryeministri dhe ministri i jashtëm i Maqedonisë, Nikola Poposki theksoi se ndihma më e madhe që Maqedonia mund ta ketë nga BE është që të lihet vullneti i qytetarëve i shprehur përmes mandateve në Kuvend të vendos në cilën rrugë do të shkoj vendi.

Paraprakisht, Poposki dhe Kurz vizituan “kuotën 59” në kufirin mes Maqedonisë dhe Greqisë, në Gjevgjeli.


Zaev- Plomp: Qytetarët kanë vendosur për qeveri e përkushtuar për reforma


Shkup, 21 Dhjetor, 2016 - 16:13 (META) 

Kryetari i LSDM-së, Zoran Zaev, sot është takuar me ambasadorin e Mbretërisë së Holandës, Vauter Plomp, informojnë nga partia.

“Shumica e qytetarëve, më shumë se 600.000 persona kanë zgjedhur ndryshime. Ndryshimet tanimë kanë ndodhur dhe askush nuk mund t’i ndalë”, deklaroi Zaev.

Në takim është theksuar përkushtimi përgjegjës dhe parimor i LSDM-së ndaj provokimeve që më së paku i duhen Maqedonisë.

“Qytetarët kanë vendosur për Qeveri e cila do të hapë perspektiva dhe ai është hapi i ardhshëm në proceset e filluara demokratike në shtet”, tha Zaev.