Седум лица загинаа, меѓу кои три деца, во пожар што избувна рано утринава во зграда во градот Ница на југот на Франција, пишува Би-би-си.
Локален обвинител рече дека властите го истражуваат пожарот. Пламените јазици ги зафатиле горните катови на станбен блок во областа Мулен во Ница, во близина на градскиот аеродром.
Министерот за внатрешни работи Џералд Дарманин изјави дека меѓу жртвите има и три мали деца и дека полицијата „ќе ги расветли околностите на оваа страшна трагедија“.
Пожарот избувнал на седмиот кат, а обвинителот на Ница, Демиен Мартинели, им изјавил на новинарите дека, во светлината на првичните наоди, „отворена е истрага за подметнување пожар“.
Локалните извештаи покажуваат дека седумте жртви биле дел од исто семејство и дека децата кои загинале имале пет, седум и десет години. Две лица, наводно, се обиделе да побегнат преку прозорецот – едното се самоубило, а другото е во критична состојба.
Градоначалникот на Ница, Кристијан Естрози, изјави дека покрај седумте жртви, уште 30 лица имаат тегоби поради вдишување чад.
