Центарот за климатски промени (ЦКП) постави полнач за електични тротинети во населбата Ново Лисиче, кој работи на соларна енергија. Ова епрв полнач од ваков тип во земјата и ќе биде достапен за сите граѓани. Поставен е во дворот на основното училиште „Александар Македонски“. Ќе биде во фаза на тестирање до декември, по што ќе може бесплатно да се користи.
„Се надеваме дека овој пример ќе биде поттик и за останатите општини да размислуваат во насока на поголемо искористување на сончевата енергија и да овозможиме средина каде автомобилите ќе ги користиме поретко и ќе имаме чиста и здрава животна средина“, велат од Центарот за климатски промени.
Полначот на соларна енергија го изработи македонската компанија Дарис Инженеринг во рамки на проектот на ЦКП „Патоказ до вашата еко-паметна општина“, кој е финансиран од Амбасадата на САД.