Повторно се одложи судското рочиште за случајот „Ровер“, во кој поранешениот министер за внатрешни работи, Љубе Бошкоски, е обвинет за помагање убиство во 2001 година.
Следното рочиште е закажано за 9 мај.
Ова е третпат одново да почнува судењето за „Ровер“ бидејќи Апелацискиот суд Скопје двапати ја укинува првостепената пресуда поради низа пропусти и поради неутврдена фактичка состојба.
Со пресудата на Кривичниот суд, Предраг Чубрило, Милан Илиќ и Милорад Ковачевиќ добија казна доживотен затвор, Вук Вукичевиќ доби 15 години затвор, Бошкоски доби затвор од 10 години и шест месеци, првиот човек на обезбедувањето на Бошкоски, инспекторот Зоран Трајковски, доби осум години и шест месеци, по седум години добија Сашко Јовановски и Ивица Ристиќ, а по пет години и шест месеци Гоце Митревски и Никола Негриевски.
Обвинетите се товарат за убиствата на Марјан Тушевски и на Киро Јанев што се случија во јули 2001 година во Скопје.
