fbpx

Се подготвува теренот кај УКИМ за изградба на два факултети во барокен стил

-

Градежните екипи го подготвуваат теренот кај Универзитетот „Св. Кирил и Методиј“ (УКИМ) за изградба на Факултет за физичка култура и Факултет за информатички науки и компјутерско инжинерстви (ФИНКИ) кои според планот за градба, предвидени се да бидат во барокен стил.

За таа цел, исечени се дрвја, уништено е зеленилото и се поставува лимена ограда.

Од „Студентски пленум“ велат дека одлуката за изградба на овие две нови факултетски згради е проблематична од повеќе аспекти.

– Според наши сознанија, Сенатот воопшто не донел одлука за градење нови објекти кај кампусот на УКИМ. Со тоа сметаме дека наметнатата одлука за изградба на овие објекти е упад во универзитетската автономија. Второ, проблематична е и локацијата бидејќи самиот кампус има проблеми со бројот на студенти. Ако се додадат и студентите во двете нови згради, би се влошила сообраќајната состојба и би се уништил голем дел од зелената површина и дрвјата околу факултетите – изјави Орхан Сулејмани од „Студентски пленум“.

Според него, проблематичен е и изборот на барокниот стил, кој не се вклопува со изграденото во кампусот.

– Не треба да се зборува за иронијата на градење факултет за информатичка технологија во барокен стил. Изборот на барок е голема навреда за студентите кои се движечка сила во државата – истакна Сулејмани.

Камен-темелниците на новите згради треба да се стават на 20 декември.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Општините не водат сметка колку загадувачи имаат, ниту пак се грижат тие да платат затоа што загадуваат

Во регистарот за Б-интегрирани дозволи на Министерството за животна средина сè уште фигурираат фирми кои некогаш добиле дозвола, но веќе не постојат, а од друга страна, ги нема фирмите...