РЕК „Битола“ двојно го зголеми капацитетот за производство на струја откако синоќа во 22:51 часот Блокот 1 е синхронизиран со електроенергетскиот систем на земјава, информираат од владината прес-служба.
Од Владата информираат дека во РЕК „Битола“ во моментов се во функција два од трите блока, откако беше завршен ремонтот на Блок 1 после 23 дена, во рекордно краток рок. Блок 1 и Блок 2 испорачуваат електрична енергија.
Истовремено, согласно Планот за производство, РЕК „Битола“ треба да продолжи да работи со два блока до почетокот на ноември. Откако ќе биде монтиран новиот трансформатор на Блокот 3, тој ќе биде пуштен во функција, по што во краткотраен ремонт треба да влезе и Блок 2. Ремонтните активности се вршат со цел да се зголеми доверливоста и стабилноста на капацитетот во екот на грејната сезона.
„АД ЕСМ во моментов ги задоволува потребите за струја на домаќинствата и малите потрошувачи исклучиво од сопствено домашно производство“, информираат од АД ЕСМ.
