Премиерот Димитар Ковачевски е убеден дека нема да недостасуваат пратеници за да се озбезбеди двотретинско мнозинство за да се изгласаат уставните измени потребни за продолжување на преговорите со ЕУ. Тој денеска изјави дека сите парлементарци имаат обврска да го поддржат европското движење на државата затоа што младите заминуваат од државата во земји од ЕУ бидејќи таму имаат економски просперитет, владеење на правото, социјална правда и владеење на демократија.
„Пратеници не и требаат на Владата или на мене. За да бидете претседател на Влада и за да се изгласа Влада потребни се 61 пратеник. Оваа Влада има 65 пратеници со кои е изгласана. Две третини мнозинство е потребно за понатамошно продолжување на евроинтеграцискиот пат на државата. Единаесет години владата на ВМРО-ДПМНЕ проба да има алтернативно решение за економскиот раст. Што постигна? Ништо. Два проценти БДП, на три проценти просечна инфлација. Инвестициите ги гледаме. Стиропорот во Владата и во сите други згради се распаѓа, половина подруми се поплавени, театарот протекува,“рече Ковачевски.
Тој ги посочи придобивките што државата би ги имала од членството во ЕУ нагласувајќи ги позитивните ефекти врз економскиот стандард односно зголемувањето на просечните плати и на нивото на инвестиции.
