Пистата на Меѓународниот аеродром Скопје ќе биде подложена на рехабилитација во времетраење од 50 дена, од крајот на март до средината на мај следната година, но тоа нема да значи и затворање на скопскиот аеродром, соопшти операторот на аеродромот, компанијата ТАВ Македонија.
Во периодот од 28 март до 16 мај 2022 година, на пистата ќе се работи секојдневно од 9 до 17.30 часот, а авионскиот сообраќај со слетувања и полетувања кон сите дестинации од редот на летање ќе се одвива од 17.30 до 9 часот наутро.
Од ТАВ Македонија информираат дека ова ќе подразбира измени во редот на летање кон некои дестинации, за што се очекуваат подетални информации наскоро од самите авиокомпании.