Постапката за избор на нов претседател на Уставниот суд продолжи денеска – судиите во два наврата гласаа за предложените кандидатки, но ниту една не го доби потребното мнозинство.
Уставните судии овој пат се договорија седницата за избор на претседател да продолжи во понеделник, на 3 јуни.
Кандидатки за претседател на Уставниот суд се судијките Татјана Васиќ-Бозаџиева и Ана Павловска-Данева. За да се избере претседател на судот, потребно е дво-третинско мнозинство, односно еден кандидат да има 6 гласови од вкупно 9.
И вчера беа залудни сите четири обиди за избор на претседателка на Уставен. На актуелната претседателка Добрила Кацарска, мандатот ѝ истекува на 2 јуни.
