fbpx

Уставен суд: Кацарска има право да остане на функцијата

Во соопштение, судот посочи дека единствен надлежен орган да одлучува за престанок на функција на судија на Уставен суд е самиот Уставен суд

-

Како реакција на тоа што Судскиот совет испратил известување до претседателот на Собранието, дека уставната судија Добрила Кацарска ги исполнила условите за остварување на старосна пензија во јуни 2022 година, со што наводно би требало да го изгуби статусот на активен судија, Уставниот суд излезе во нејзина одбрана. Оттаму велат дека Кацарска го задржува правото да остане на функција.

„Судот потенцира дека во 60 годишната историја на постоење на Уставниот суд, не постои случај да престане функцијата уставен судија по основ на остварување на старосна пензија“, стои во соопштението на Уставниот суд.

Дополнително, Уставниот суд потенцира дека единствен надлежен орган кој може да одлучува за престанок на функција на судија на Уставен суд е самиот Уставен суд.

„Секое преземање на какво било дејствие на кој било државен орган, надвор од уставно утврдените основи во членот 111 претставува грубо кршење на Уставот и упад во независноста и самостојноста на Уставниот суд“, велат од Уставниот суд.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Мицкоски на средба со амбасадорите на државите членки на ЕУ

Премиерот Христијан Мицкоски денеска се сретнал со амбасадорите на државите-членки на Европската унија. Тие разговарале за актуелната политичка и економска состојба во земјата, како и за напредокот на државата...