На руската „црна листа“ се наоѓаат личности кои активно го поддржуваат минатогодишниот државен удар во Украина, изјави денеска шефот на руската дипломатија Сергеј Лавров, отфрлајќи го тврдењето на ЕУ за неоснованост на листата и наведувајќи дека Русија одговорила во иста, па дури и во помала мера за разлика од едностраните санкции на ЕУ кон Русија.

– Санкциите кои се воведени, се однесуваат на официјални лица кои на најактивен начин го поддржаа државниот удар, по што Русите во Украина беа подложени на прогон и на дискриминација – рекол Лавров.

Шефот на руската дипломатија рекол дека дискриминацијата се спроведува и покрај многубројните конвенции во кои учествува и Украина, а кои гарантираат заштита на националните малцинства и групи.

– Украина неодамна се откажа од примена на конвенциите на територијата на Доњецкиот базен, а ние сепак не слушнавме никаква рекација од ЕУ. Сè зависи од нашите партнери и од нивното разбирање на ситуацијата и од способноста да не ја кријат вистината и да се преправаат дека не разбираат што се случува – додал Лавров.