Фото: МВР

Вчера во Скопје МВР изрекло 133 мерки за прекршоци во сообраќајот, од кои 26 казни се за возење повеќе од дозволената брзина, 13 се за возење без возачка дозвола, а осум казни се изречени за технички неисправни возила, соопштуваат оттаму.

– Изречени се и три мерки за возење под дејство на алкохол, 10 за зборување на мобилен телефон, шест мерки за непочитување на првенство на минување, три санкции за возач почетник. Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта – велат во МВР.