Јахта која пловела по сицилијанското крајбрежје потонала утрово. Има најмалку еден загинат, а другите шест патници се водат како исчезнати, информираат италијанските пожарникарски и спасителни служби, а пренесува Би-би-си.
На јахтата наречена „Бејзијан“ се веело британско знаме, и патниците биле со британско, американско и канадско потекло.
На „Бејзијан“ имало 22 патници, од кои 10 биле дел од екипажот. Спасителните служби во Италија спасиле 15 лица, меѓу кои и едногодишно дете. Осум од спасените лице се сместени во болница.
Јахтата, која била 56 метри долга, потонала околу 49 метри под вода.
Италијанските медиуми известуваат дека јахтата потонала сред бујно невреме. Од минатата недела досега се забележани се голем број на бури на западниот дел од Средоземното море, каде притисокот е низок.
